ЦАХИМ БАНКНЫ ЗАЛИЛАНГААС УРЬДЧИЛАН СЭРГИЙЛЭХ ЗӨВЛӨМЖ

1. Хэрэглэгчийн дугаар ба нууц үгтэй холбоотой зөвлөгөө. Нууц үг нь хэн нэгэн таах боломжгүй, компьютерын тооцооллоор тайлхад маш хэцүү байх ёстой. Үүний тулд доорх нөхцөлийг хангаж байх шаардлагатай юм.
   • 1.1. Интернет банкны нууц үг нь хамгийн багадаа 8 тэмдэгтийн урттай, том жижиг үсэг, тоо, тусгай тэмдэгтүүдээс (!@#$%^&*(){}.) бүрдсэн байвал тохиромжтой

     Муу нууц үг	Дундаж нууц үг	Маш сайн нууц үг
     eneminiibank	EneMiniiBank12	EneM!n2iB@nk
     happynewyear	Happy1New9Year	H4pPy^N3wY3ar
     bolderdene	Bo!dErd3ne	B01d3rd3nE@
     biluuvanddurtai	BiLuuvand@Durtai	B1Lu2v@ndDurt!
     ilovemyfamiliy	ILov3MyFamily	IL*v3MyF4m1ly

   • 1.2. Нууц үгээ 1-ээс 2 сар болоод тогтмол сольж хэвших хэрэгтэй.
   • 1.3. Хэрэглэгчийн дугаар, нууц үгийнхээ талаар хэзээ ч, хэн д ч бүү хэлээрэй. Мөн нууц үгээ ямар нэг цаас, утсан дээрээ хамгаалалтгүй тэмдэглэх хэрэггүй.
   • 1.4. Нууц үгэндээ өөртэйгөө холбоотой он сар өдөр, утасны дугаар, нэр, дансны дугаар болон бусад хувийн мэдээллээ бүү ашигла.
   • 1.5. Өөрийн и-мэйл хаяг, олон нийтийн сүлжээ болон бусад зүйлд ашигладаг хэрэглэгчийн нэр, нууц үгээ интернет банкиндаа ашиглах хэрэггүй.
   • 1.6. Интернет банкны нэр, нууц үгээ интернет веб хөтөч дээрээ хадгалах хэрэггүй.
2. Ерөнхий аюулгүй байдлын зөвлөгөө
   • 2.1. Интернет кафе болон олон нийтийн үйлчилгээний газрын найдвартай биш компьютер ашиглан интернет банкруугаа нэвтрэх хэрэггүй.
   • 2.2. Өөрийн дансны үлдэгдэл, дансны хуулга зэргийг тогтмол (болж өгвөл өдөр бүр) хянаж, шалгаж байх хэрэгтэй. Хэрэв ямар нэг сэжигтэй зүйл илэрвэл нэн даруй Голомт банкны 1800-1646 утсанд мэдэгдэх хэрэгтэй.
   • 2.3. Интернет банкруугаа нэвтэрсэн үедээ компьютерээ хараа хяналтгүй хэзээ ч битгий орхиорой.
   • 2.4. Интернет болон смарт банкаар гүйлгээ хийж дууссаны дараа холболтоо салгахаа битгий мартаарай.
   • 2.5. Хэрэв боломжтой бол интернет банкиндаа банкнаас санал болгож буй токен төхөөрөмжийг авч ашигалахыг зөвлөж байна. Ингэснээр таны интернет банк илүү аюулгүй байх болно.
   • 2.6. Данс болон картанд орлого, зарлага хийгдэхэд хэрэглэгчидэд и-мэйл болон мессежээр мэдээллэдэг үйлчилгээг идэвхижүүлэх хэрэгтэй. Ингэснээр та өөрийн дансыг хянаад зогсохгүй, хэн нэгэн таны карт, интернет банкыг ашиглавал таньд мэдээлэл очих болно.
3. Интернет залилангаас сэргийлэх зөвлөгөө
   • 3.1. Үл таних, таньтай харьцдаггүй хүнээс ирсэн и-мэйлийг нээлгүй устгаж байна уу.
   • 3.2. Тодорхойгүй эх сурвалж болон огт танихгүй хүнээс ирсэн сэжигтэй и-мэйлүүдийг хавсаргасан файл болон холбоосуудыг нээлгүй устгаж байна уу. Сэжигтэй и-мэйл гэдэг нь ихэвчлэн таны үйлчлүүлдэг, харилцдаг байгууллагуудын нэрийн өмнөөс таныг хэрэглэгчийн нэр, нууц үг, PIN код болон бусад хувийн мэдээллүүдээ илгээхийг хүсэх, дансны мэдээллээ шинэчлэхийг хүссэн утгатай байдаг.
   • 3.3. Дээрхтэй адил сэжигтэй и-мэйлд хавсаргасан файл болон холбоосуудыг нээж, хариу бичиж огт болохгүй. Хэрэв тухайн и-мэйлийн жинхэнэ эсхэд эргэлзэж байвал харилцдаг байгууллагынхаа албан ёсны дугаарлуу залгаж тодруулаарай. Учир нь таны компьютерыг гэмтээх, хортой вирусээр халдварлуулах, таны мэдээллийг хулгайлах зорилготой байж болох юм.
   • 3.4. Хэрэглээний программ болон файлуудыг зөвхөн баталгаатай, албан ёсны сурвалжуудаас татаж авч хэрэглэж байна уу.
   • 3.5. Аль болох лицензтэй программ хангамжийг, албан ёсны эх сурвалжаас нь татан авч ашиглаж байна уу.
   • 3.6. Өөрийн ашигладаг компьютер, смарт утсан дээр вирус, хортой код зэргийг илрүүлэх хамгаалалтын программ хангамж суулгаж, тогтмол шинэчилж байна уу.
   • 3.7. Компьютерийн үйлдлийн системийнхээ шинэчлэлийг тогтмол хийж, шалгаж байна уу.
   • 3.8. Интернет хөтчийнхөө хаягийн мөр дээрх хаягийн (URL) эхэнд https:// гэсэн ногоон тэмдэг байгаа эсхийг шалгаж байгаарай. Энэ нь таны мэдээллийг бусдад алдагдахаас сэргийлэх болно.

Энд дарж видео заавартай танилцана уу.